09-03-04

WOAR BLIJVEN DIE BUSKOTSES???

Goeje vrienden, 't es nui al twie joar damme in de gemienteroad an 't neuten zijn over un twoalftal buskotses in Loatem en Deurle. d'Oppoziesse vondet un schande dan de buusgebruikers in were en wind stonden te verkleumen en verkleuren in ulder natte kazakke.
De gietestallekes dienze zulder in uldren glorietijd gezet oan woaren zuu vurt danze an't instuiken woaren...
We kosten die nieje kotses ezuu moar veur niemandallen krij'n in luukse uitvoeringe, moar d'er moest wel nen gruuten fottoo inangen van Feedra Oste in eur sexy leinzerie en da most tons nie van de hiepokrieten van de mindereid. Gien reeklammevervuilinge in ons schuun landelijk durp!
Jong'ne, ge moet ne kier de Kortrijksenstienwig passeeren! Die luchtses van de meiskes van plezier, doar un klappek nie over, moar veur al die reeklamme van die luuksemirken van ottos en andere snobwinkels meugen ze ne kier un goeje gemientebelastinge uitvinden!
Enfijn, achter veel geziever en achter 't kluuten klappen bai den gouverneur, kwampt er nen konsensus veur de kotses van DE LIJN.
Acht moanden wachten we nui al! Ze kunnen ze nog oltijd nie leveren... 't Es gelijk ulder buussen: nuut op tijd of zuust wig!
Uit kompasse ek mijn vrienden opgetrommeld en emme un veurluupig alternatief uitgewirkt.
Es't nie dadde, 't es toch beter dan niet...

16:47 Gepost door Albert-Fernand HAELEMEERSCH | Permalink | Commentaren (1) |  Facebook |

Commentaren

Bushokjes Is het toeval dat de bushokjes een week na dit artikel in vol ornaat stonden te pronken langs de Latemse wegen?

Gepost door: Aisling | 20-03-04

De commentaren zijn gesloten.